حملة التبذيرفشلون بين العالم بحملة التبذير معقولة الكويت وصلة لي هل المواصيل وربي عيب على الحملة الفاشلة المخزية كان المفروض يجندون جهودهم على تنظيم قسم المحاسبة المتهالك بالوزارة مما جعل عملية جمع الفواتير مهمة صعبه على الوزارة ؛ نروح الوزارة نطلب لا نترجاهم دفع الفواتير يكون الرد ما في ملف لكم !!!!!!!!؟؟؟؟ أيشلون الفواتير تتراكم على الناس بسبب إهمال الوزارة وتسيب قسم الفواتير مم جعل الناس ما تشعر بكمية الكهرباء المصروفة لمنازلهم ولا المبالغ المستحقة عليهم !؟ هذا ساعد على الإسراف والتسيب وعدم المبللات عند المواطن والمقيم .
حل مشكلة الكهرباء مو بالمولدات الكهربائية الحل بحل قسم تحصيل الفواتير بقسم متطور بحيث يتابع كل الفواتير ويستلم المستحق ويعاقب كل متقاعس عن الدفع بقطع الكهرباء عنه ليكون عبره لغيره وبهذه الطريقة تستطيع الوزارة أن تحصل كل الفواتير وتقدم خدمات أفضل ومتطورة للمستحقين بطريقه أفضل وحجب خدماتها عن كل متخلف عن الدفع .
في معلومة قالوها لنا أهلنا أساس الاستقرار هو التنظيم والتدبير من بعد الخوف من رب العبادات .
سؤال
شسمونه إلي قاعد يصير بقسم المحاسبة بوزارة الكهرباء ؟
أ- غباء
ب- استغفال
ت- هدر للمال العام
سؤال
حملة التبذير (الترشيد) الإعلامية الفضائية
أ- قللت استهلاك الكهرباء
ب- ضحك على الأذقان
ت- أظهرت الكويت بصوره مزرية تعيسة
في الختام بكون مسك الختام
قصيدة أعجبتني للشاعر الكبيرالمرحوم بأن الله الشيخ / عبد العزيز السعود الصباح لما فيها من الحكم والأمثال الرائعة وأتمنى أن تحوز على إعجابكم ،،،
يا من يخبرني عن الحق وينه
هو مات وإلا من طغى الناس هايم
أسأل وما ألقى أحد أست عينه
عنده جواب أيطمن البال دايم
والحق بس يذكر ولا شايفينه
حرفين نسمعها من الناس دايم
لو كان به حق تبين أبحينه
في عالم كله ذنوب وجرا يم
أما الصحيح وكلنا عارفينه
الحق للقوة وذا له علا يم
كم حق راح وما لقى من يعينه
والزور بالقوة يحوز الغنايم
وأنا عرفت أهل الحسد والضغينه
اللي يحبون الفتن والشتايم
وش رأيكم يأهل العقول الرصينه
هل تسمحو لي ذكرهم في قوايم
ليش استفزوا غيرهم تاهمينه
ما فكروا بأوضاعهم والهزايم
واللي يصير بمالهم مشترينه
ما يرفضون بسوقهم كل سايم
قالوا تصبر والصبر ذاكرينه
قلت الصبر دايم يهد العزايم
والمقتدر يفعل وتاصل يمينه
ما به صبر الا اذا كان شايم
دنيا تدور ولا تحب السكينه
تاطا على درب السهل و العدايم
لو دامت الدنيا على حال زينه
ما صار فيها من هموم وظلايم
احد يعاف الزاد نفسه حزينه
وحد من الفرحه يقيم الولايم
وحد بأطماعه يدنس يدينه
دايم بتفكيره على السطح عايم
يبلع وما يشبع وحاله زبينه
ملهوف ما يرتاح قاعد وقايم
كم جاهل تاتيه فرصه ثمينه
ويفوز من حظه بما كان رايم
وكم عالم أمضى حلاوة سنينه
بحث ودراسة لكن الحظ نايم
قد يظفر الثعلب بصيده سمينه
يشبع ويرقد في ظلال الصرايم
أو ربما جاع الأسد في عرينه
بعد السمينه ما ظفر بالهلايم
والجود اللي يشتهر فيه زينه
حيث الكرم هو والمراجل توايم
سبحان من أنعم علينا بدينه
حتى جعله فينا قوى الدعايم
بعض الأوادم له نوايا لعينه
وده على موتك تقام المآتم
يلقاك لي شفته بنفس وطينه
يفرح كما يفرح على الفطر صايم
ويضم في صدره أمور دفينه
يضحك وقلبه أسود اللون عاتم
وهو بظنه يخدعك في يقينه
و لا درى انه به الشك قايم
يا من يخبرني عن الحق وينه
هو مات والا من طغى الناس هايم
اتفق معاج وايد يا الحجيه على الحل الي قلتي عنه واهو متابعه المواطنين والحرص على تحصيل الفواتير
بس انتي قلتي لازم يقطعون عنهم الكهربا .. وهذا للأسف مايصير بالكويت .. عرفيا محد يقدر يقطع الكهربا عن كويتي مهما سوى ومهما تهرب من الدفع
الشعر الي حاطته وايد عجيب ... خوش اختيار