الاستجواب
ودي افهم شنو ألي جنيناه من الاستجواب
ما ادري شوصف و شخلي فيهم
تحس حقد وكراهية غريبة عجيبة
ودي افهمهم هم يحبون الكويت ولا مصالحهم
انكشفت أوراقهم بالاستجواب الأخير
تحس بس بجر حون ما في عندهم غير كلمه
أنت قلت هو أستـــاذك
وبعدين
وكل شوي حطوا صوره ناس واطية
يبونه يربيهم ولا شــنو
المبالغ ألي اصرفوها المنحطين استرجعتها الوزارة
ولكن محد ذكر هال شـــيء
لله يصلحهم ما يدرون أن الدنيا بس يبيلها صبر
الحق مهما تأخر بيجي يوم و يظهر
ويكون الظالم في ظلمات الجحيم
الشكوه لله اغلب دينصورات السياسة
بس يهمهم المركز والمكسب ولا البلد تحترق
لا نهم يعلمون بتأثيرهم القوي على الشباب ولكن عمرهم
ما فكروا بالشباب والحين يقولون أحنا حركنا الشباب والعكس صحيح نبيها خمسة أساسه واصلها الشباب
هم لما شافوا تأثيرالشباب بالساحة كان قوي أنظموا لهم ليش ؟
لان المصلحة تتطلب هذا الشيء
بدون الديناصورات الشباب هم الأساس ولهم قوه لا يستهان بها
ودي اعرف ليش الشباب ما يكونون لوحدهم بدون الديناصورات
ياريت يا شباب العز تتحركون
بالانتخابات القادمة واثبتوا وجودكم ودنا بدماء جديدة
متحمسة للتطور والتقدم
نبي البلد يتقدم بالشباب الواعد المتحمس
المتطلع لمستقبل مزدهر له ولأبنائه
ملينا النزاعات والعراك السياسي
والاستجوابات
همتكم يا شبــاب وشــابــات
وربي الخير والإخلاص وحب الكويت بالا غلبيه العظمى
من شباب الوطن الغالية
الوطن يئن ويتألم من تصفية الحسابات بين الديناصورات
أزال المؤلف هذا التعليق.